તલાશમાં છું
માણસે-માણસે હુંફ શોધતો હું,
ઘડીકમાં પ્રેમની તો ઘડીકમાં પ્રિયતમાની તલાશમાં છું,
અડફેટો ખાતો, પડતો આખડતો હું,
ખાંખાખોળા કરતો, શુન્યાવકાશમાં અવકાશની તલાશમાં છું,
પા-પા પગલીથી દોડતો હું,
કશુંક પામવાને, લક્ષ્ય પામવાને કટીબધ્ધ છું,
માણસોની ભીડ વચ્ચે માનવતાને શોધતો હું,
જાણે ઘાસની ગંજીમાંથી સોય શોધવાની મથામણમાં છું,
આભાસી એવી આ દુનિયામાં,
ખરેખર તો હું મારા વજુદની તલાશમાં છું.
- સુગંધ.