February 24, 2013

દોડતો રે

આજકાલ દોડવા નું ચાલુ કર્યું છે. દોડતા દોડતા હજારો વિચારો આવે છે અને એમાં જોરદાર માનસિક આરામ મળી જાય છે. અને વળી એમાં ઘણા બધા "આંખો ઉઘાડનારા" સત્યો પણ સમજાઈ જાય છે.

નાના નાના ભાંખોડિયા ભરતો રે,
પડતો, આખડતો અને ઉભો થતો રે,

સામા પવને આગળ વધતો રે,
જરૂર પડે તો ધીરો પડતો રે,

મલકાતો મલકાતો વધતો રે,
અજાણ્યા આગંતુકો ને નમતો રે,

આગળ આવતા જોખમો માટે,
કમર કસી ને તૈયારી કરતો રે,

પાછળ પોતાની એક એવી,
મજબુત યાદો છોડતો રે,

કોઈ ની રાહ જોયા વગર આપબળે,
'સુગંધ', તું તારે દોડતો રે, દોડતો રે,

- સુગંધ. (૨૪ ફેબ્રુઆરી, ૨૦૧૩)

નોંધ : છેલ્લી લીટી માં અલ્પવિરામ જાણી જોઇને મુકેલું છે, અલબત્ત મૂળ વાત ના અનુસંધાન માં જ તો.