January 23, 2016

મીઠડી

જેના માટે વર્ષો સુધી રાહ જોઈ હોય એ મળે તો પછી થોડીક પળો પણ દાયકા જેટલી લાંબી લાગે. પણ ધીરજ ના ફળ મીઠા અને તું મારી 'મીઠડી'.

સુવા નથી દેતી તારી વાતો મને,
ઊંઘ માં પણ સતાવે તારી યાદો હવે,

વર્ષો સુધી જોઈ છે ચાતક નજરે રાહ તારી,
વિચારું કે ક્યારે આવે મારી પાસે તું હવે?

'મીઠડી' જરૂર આવીશ મારી પાસે તું,
આજે નહિ તો પછી આવતીકાલે હવે.

- સુગંધ. (૨૩ જાન્યુઆરી, ૨૦૧૬)

January 17, 2016

પ્રોમિશ?

મારું "પ્રોમિશ"તો મેં આપી દીધું. હવે સવાલ. (કે સવાલો?) તું જવાબ તો આપીશને?

અજાણ્યા છીએ અત્યારે તો,
પરિચિત મને તારાથી બનાવીશને?

દુનિયા અનર્થ-ઘટન ભલે કરે,
પણ તું થોડામાં ઘણું સમજીશને?

મારે ઉડવું છે અનંત આકાશમાં,
આ સહેલગાહમાં સાથ આપીશને?

તું રૂઠીશતો, લાડ તને લડાવીશ,
પછી તો "જીનું" તું માની જઈશને?

અને જો હું રૂઠું કોઈ વાતથી,
વ્હાલથી મને તું મનાવીશને?

જીવનની સફર "આપણી" છે આ,
સાથે આવીને આનંદ એમાં ઉમેરીશને?

- સુગંધ. (૧૦ જાન્યુઆરી , ૨૦૧૬)